2013-04-13

قول يا رب..


goodnight neverland


ولأنه دايماً كريم معاك.. حتى وقت أما تخذله.. 
ولأنه عمره ما خاب فيه رجاء.. 
ولأنك مهما عصيت هتفضل رحمته تساعك.. 
ومهما بعدت هيفضل بفضله يقبل قربك تاني..

ولأنك ضعيف..
جهول..
فاقد الحيلة..
هتفضل طول عمرك تلجأله وقت الضيق..
ولأنك جحود
نساي..
أناني..
هتفضل طول عمرك تنساه وقت النعمة..

ولأن كل باب غير بابه هييجي يوم ويتسد ف وشك..
وكل طريق غير طريقة مليان حفر..

ولأن كل حاجة ف إيدك أمانة.. 
والأمانة اللي انت شيلتها تقيلة على كتفك..
فهتفضل دايماً تظلم نفسك..
وتظلم كل اللي حواليك معاك..


وهتفضل دايماً تشوف النور وتعمل نفسك مش شايفه..
وتعيش في الضلمة وتستخبى عشان بتريحك أكتر..

عشان أنت بتخاف من نفسك لأنها دايماً بتهزمك..
ولأنك معندكش شجاعة تتخانق.. 
فعمرك مهتكسب..

ومش كل مرة هتفضل تقول .. ربي غفورٌ رحيم..
لازم برده تفتكر إن عذابه هو العذابُ الأليم.

بس ابقى حاول.. 
حاول متبطلش قولة يارب..
يمكن دي اللي يوم تنجدك..

---

هذا البلوج مغلق للصيانة.
نأسف للإزعاج والدوشة..
وشوية الإكتئاب اللي اتسرب سهواً من هنا..

2013-04-05

لأني أفتقدني.. أكثر



أفتقدك كثيراً..
أفتقد وجودك الدافئ بقلبي.. 
أفتقد ابتسامتك العفوية.. صفاءٌ بعينيك أسرني ذات مرة..
أفتقد شغفك بي.. وادعائك أنك لا تهتم.. كثيراً
رغم أني أفتقدك كثيراً..

أفتقد حاجتي للإطمئنان على نبض قلبك..
أفتقد دعاءٍ كنت أرفعه كل صلاة لأجلك.. 
أفتقد وصالك.. حبي الذي ادخرته ليملأ أركانك..
أفتقد رغبتي في أن أجعل العالم أفضل ليليق بك..
أفتقد إصراري على أن أصير أنا أفضل.. لأليق بك..
أفتقد أملاً كنت تمنحه لي راضياً..
وأفتقد صورتي التي كانت تبدو أجمل.. لأنها معك..

أفتقدك كثيراً.. 
لأني أفتقدني.. أكثر.